Krishna Kripa Kataksha Stotram
कृष्ण कृपा कटाक्ष स्तोत्र
See all Krishna content →भजे व्रजैकमण्डनं समस्तपापखण्डनं स्वभक्तचित्तरञ्जनं सदैव नन्दनन्दनम्। सुपिच्छगुच्छमस्तकं सुनादवेणुहस्तकं अनङ्गरङ्गसागरं नमामि कृष्णनागरम् ॥१॥ मनोजगर्वमोचनं विशाललोललोचनं विधूतगोपशोचनं नमामि पद्मलोचनम्। करारविन्दभूधरं स्मितावलोकसुन्दरं महेन्द्रमानदारणं नमामि कृष्णवारणम् ॥२॥ कदम्बसूनकुण्डलं सुचारुगण्डमण्डलं व्रजाङ्गनैकवल्लभं नमामि कृष्णदुर्लभम्। यशोदया समोदया सगोपया सनन्दया युतं सुखैकदायकं नमामि गोपनायकम् ॥३॥ सदैव पादपङ्कजं मदीय मानसे निजं दधानमुक्तमालकं नमामि नन्दबालकम्। समस्तदोषशोषणं समस्तलोकपोषणं समस्तगोपमानसं नमामि नन्दलालसम् ॥४॥ भुवो भरावतारकं भवाब्धिकर्णधारकं यशोमतीकिशोरकं नमामि चित्तचोरकम्। दृगन्तकान्तभङ्गिनं सदा सदालिसङ्गिनं दिने दिने नवं नवं नमामि नन्दसम्भवम् ॥५॥ गुणाकरं सुखाकरं कृपाकरं कृपापरं सुरद्विषन्निकन्दनं नमामि गोपनन्दनम्। नवीनगोपनागरं नवीनकेलिलम्पटं नमामि मेघसुन्दरं तडित्प्रभालसत्पटम् ॥६॥ समस्तगोपनन्दनं हृदम्बुजैकमोदनं नमामि कुञ्जमध्यगं प्रसन्नभानुशोभनम्। निकामकामदायकं दृगन्तचारुसायकं रसालवेणुगायकं नमामि कुञ्जनायकम् ॥७॥ विदग्धगोपिकामनोमनोज्ञतल्पशायिनं नमामि कुञ्जकानने प्रवृद्धवह्निपायिनम्। किशोरकान्तिरञ्जितं दृगञ्जनं सुशोभितं गजेन्द्रमोक्षकारिणं नमामि श्रीविहारिणम् ॥८॥ यदा तदा यथा तथा तथैव कृष्णसत्कथा मया सदैव गीयतां तथा कृपा विधीयताम्। प्रमाणिकाष्टकद्वयं जपत्यधीत्य यः पुमान् भवेत्स नन्दनन्दने भवे भवे सुभक्तिमान् ॥९॥ ॥ इति श्रीमच्छङ्कराचार्यकृतं श्रीकृष्णाष्टकं कृष्णकृपाकटाक्षस्तोत्रं च सम्पूर्णम् ॥
Meaning
Traditionally attributed to Adi Shankaracharya, this hymn is also known as the Shri Krishnashtakam. In eight verses Shankara bows to the Krishna of Vraja: the peacock-feather crown, the flute in his hand, Govardhan lifted on his palm, kadamba-flower earrings, and the child surrounded by Yashoda, Nanda and the cowherds. Every verse comes back to "namami", I bow. The ninth verse is the phalashruti, where the poet asks only that, whenever and however it may be, the story of Krishna keep flowing from his lips. It is written in the pramanika metre, whose lilt makes it very easy to sing.
Benefits
- 🪷Commonly sung at Janmashtami and in Krishna puja.
- 🪷Its easy rhythm makes it good for kirtan and for teaching children.
- 🪷Counted among Shankaracharya's most musical hymns.
Chanting Method
Light a lamp before an image of Krishna and recite with a melodious tone and heartfelt feeling. It can also be sung as part of bhajan-kirtan.
Best Time
Early morning, and especially on Janmashtami.